ABŞ-ın prtezidenti Donald Tramp Twitter üzərindən Somali əsilli konqresmen İlhan Omar və Fələstin əsilli Raşida Tlaiblə yanaşı, Aleksandria Okasio-Kortez və Ayanna Pressliyə dair yeni açıqlama verib.

Tashaio.com Sputnik-ə istinadən xəbər verir ki, Tramp Twitter-dən verdiyi açıqlamasında bunları deyib: “Bu dörd konqresmenin ölkəmizi sevə biləcəyinə inanmıram. İşlətdikləri nifrət sözlərinə görə, Amerika və (İsrail rejimindən) üzr istəməlidirlər. Demokrat Partiyaya zərər verirlər, amma zəif və etibarsız insanlar bizim böyük millətimizə əsla zərər verə bilməz”.

Ən gənc konqres üzvü ünvanına sahib olan Okasio-Kortez isə Twitter-dən ölkədə daha yaxşı səhiyyə sisteminin təmin edilməsi, tələbə borclarının bağışlanılması, ətraf mühiti qoruma qanunlarının həyata keçirilməsi, minimum maaşın artırılması və insan haqları kimi bir çox mövzuda çalışdıqlarını bildirərək, belə deyib: “Biz bunları edərkən şirkətlərdən bir qəpik də almırıq. Sən isə dərman pullarını artırır, tələbələri aldatmaq üçün (təhsil naziri) Betsi Devosu atır və köçkün uşaqları incidirsən”.