İyulun 12-si cümə günü Pakistan, İran, Böyük Britaniya, Avstraliya, Hindistan və bir çox ölkədə Şeyx Zəkzəkiyə dəstək aksiyası keçirilib.

Tashaio.com xəbər verir ki, İslam İnsan Haqları Komissiyasının məlumatına görə, cümə namazından sonra Pakistanın paytaxtı İslamabad başda olmaqla Multan, Karaçi, Heydərabad, Kaşmor, Sind, Tando Yar, Mati Sind, Şikapur, Cakobabad, Gilgit, Tando Mohammed Xan şəhərlərində insanlar küçəyə çıxaraq, Nigeriya rejiminin vandallığını qınayaraq, rejimdən Şeyx Zəkzəki və tərəfdarlarına qarşı zülm və özbaşınalıqlarına son qoymağı tələb ediblər. Şeyx Zəkzəkinin günahsız olaraq, 3.5 ildir həbsxanada saxlanıldığını qınayan nümayişçilər, şeyx və xanımının dərhal və qeyd-şərtsiz azadlığa buraxılmasını tələb ediblər.

İranın Qum şəhərində təhsil alan nigeriyalı tələbələr Nigeriya rejimindən Şeyx İbrahim Zəkzəkini azad etməyə çağırıblar.

Qumdakı etirazçılar, həmçinin Nigeriya hökumətini həbsxanada zəhərlənmədən əziyyət çəkən Şeyx Zəkzəkiyə təcili tibbi yardım göstərməyə çağırıblar.

Böyük Britaniyanın paytaxtı Londondakı Nigeriya səfirliyinin qarşısında toplaşan onlarla fəal Nigeriya rejiminin Şeyx Zəkzəkiyə qarşı işgəncələrinə son qoymağı tələb ediblər.

Oxşar aksiyalar Avstraliyanın Viktoriya, Hindistanın bir çox əyalətlərində də keçirilib.

Deyerler.org