Türkiyədə Şeyx Zəkzakiya dəstək aksiyası keçiriləcək
Posted on : Türkiyə 07/11/2019
İyulun 13-də İstanbulda Eminönü bölgəsində Nigeriya şiələrinin rəhbəri Şeyx İbrahim Zəkzakiyə dəstək aksiyası keçiriləcək.
İyulun 13-də İstanbulda Eminönü bölgəsində Nigeriya şiələrinin rəhbəri Şeyx İbrahim Zəkzakiyə dəstək aksiyası keçiriləcək.
Tashaio.com xarici KİV-ə istinadla xəbər verir ki, Yeni Cami məscidinin qarşısında yerli vaxtla saat 17:30-da keçiriləcək aksiyada iştirakçılar Şeyx Zəkzakinin sağlamlığının təhlükədə olduğunu görə onun sərbəst buraxılması və müalicəsi üçün şəraitin yaradılmasını tələb edəcək.
Təşkilatçılar insanları aksiyada aktiv iştirak etməyə çağırıb: "Zindanda zəhərlənməsi nəticəsində ölüm təhlükəsi ilə üz-üzə olan Şeyx Zəkzakiyə dəstək olaq"
Xatırladaq ki, 17 iyun 2019-cu ildə aparılan müayinə zamanı Şeyx İbrahim Zəkzaki və onun həyat yoldaşının səhhətində ciddi problemlər aşkarlanaraq bu barədə Kadun vilayəti ali məhkəməsinə ərizə göndərilib.
Şeyx İbrahim Zəkzaki və onun həyat yoldaşı 2015-ci il dekabrın 13-də Nigeriya hərbçilərinin Zaria şəhərindəki hüseyniyyəyə basqını zamanı həbs olunublar.
