Suriya xarici işlər nazirinin müavini Faysal Miqdad İsrail rejiminin raket hücumlarına ikiqat cavab verməyə hazır olduqlarını bildirib.

Tashaio.com SANA-ya istinadən xəbər verir ki, Suriyanın xarici işlər naziri Vəlid Muallim və İran xarici işlər nazirinin müavini Əli Əsğər Hacı arasındakı görüşdən sonra mətbuat konfransında çıxış edən Miqdad, belə deyib: “Suriya həmişə ikiqat cavab verməyə hazırdır”.

Suriyanın İsrail rejiminin aləti olan terror qrupları ilə mübarizə edərək, hər yerdə İsrail rejimi ilə müharibə etdiyini qeyd edən Miqdad, belə danışıb: “İsrail rejiminin bu təcavüzünün məqsədi, xüsusilə Suriya ordusu və müttəfiqlərinin qələbələri fonunda əlaltılarını qorumaqdır”.

Hazırda bölgənin gərginliyə yox, əmin-amanlığa ehtiyacının olduğunu vurğulayan Miqdad, deyib ki, dünya BMT Təhlükəsizlik Şurası və BMT özü belə bir prosesin təhlükəsinin fərqində olmalı, çünki Suriya haqqı barədə susmayacaq”.