Yəmən Silahlı Qüvvələri ölkədə yeni istehsal olunan yerli raket sisteminin yaxın günlərdə təqdimatını keçirəcəklərini bildirib.

Tashaio.com-un Əl-Məsirəyə istinadən verdiyi xəbərə görə, Yəmən Silahlı Qüvvələrinin sözçüsü general-mayor Yəhya Sərii yeni istehsal etdikləri raket sisteminin ölkənin Ali Siyasi Şurasının sabiq sədri Şəhid Saleh Əli Əs-Samad Müdafiə Sənayesi Sərgisində təqdim olunacağını bildirib.

Qüvvələrin həyati əhəmiyyətli hədəfləri vurmağı düşündüklərini bildirən sözçü, belə deyib: “Qüvvələrimiz müxtəlif silahlardan istifadə edərək, müxtəlif hədəfləri eyni anda vura bilərlər”.

General-mayor Yəhya Sərii sözlərinin davamında Səudiyyə rejiminin rəhbərlik etdiyi koalisiyaya səslənərək, belə deyib: “Sizlər heç bir formda azadlığından əl çəkməyən və bu yolda çox şəhid verən azad bir millətlə müharibə edirsiniz. Bizim millətimiz Yəmənin həqiqi yerini tapması üçün daha çox fədakarlıq etməkdən çəkinməyəcək”.