Rusiya ilə İran ABŞ-ın geniş bir kiber casusluq şəbəkəsini təsbit edib çökdürdüklərini və MKİ agentlərinin tutulduğunu açıqlayıb.

Tashaio.com Sputnik-ə istinadən xəbər verir ki, Rusiya təhlükəsizlik təşkilatlarından bir mənbə, ABŞ-ın məxfi xidmətlərinin Rusiyanın infrastrukturunun nəzarət sistemlərinə qarşı kiber hücum etməyə çalışdıqlarını təsbit edildiyini qeyd edib.

İran dövlət televiziyası İRİB-in xəbərinə görə isə, İranın Milli Təhlükəsizlik Ali Şurasının baş katibi Əli Şəmhani ABŞ-ın geniş bir kiber casusluq şəbəkəsini təsbit edərək, çökdürdüklərini bildirib. Şəmhani MKİ agentlərinin siyahısını müttəfiq ölkələrlə paylaşdıqlarını və bu agentliklərin müttəfiqləri tərəfindən ələ keçirildiyini qeyd edib.

Amerikanın məxfi xidmətlərinin Rusiyanın enerji sistemlərinə viruslar atmaq səylərini artırdığını yazan “Nyu-York Tayms” (NYT) qəzetinin xəbərini şərh edən mənbə də, ABŞ-ın bu cür hücumlara təşəbbüs etməsinin həqiqətən də aşkar edildiyini təsdiq edib.

Xarici məxfi xidmətlərin son illərdə Rusiya infrastrukturunun nəzarət sistemlərinə sızmağa yönəlmiş cəhdlərinin getdikcə artdığına diqqət çəkən mənbə, kiber hücumların ən çox nəqliyyat, bankçılıq və enerji sektorlarının infrastrukturunu hədəfə aldığını vurğulayıb.

“Bu cür cəhdləri görürük və təsbit edirik”, - deyən mənbə, hücumları təsirsiz vəziyyətə gətirməyi bacardıqlarını söyləyib.

Rusiya təhlükəsizlik təşkilatlarının rəsmisi bu istiqamətli cəhdlərin kiber müharibənin ünsürləri kimi qiymətləndirilib qiymətləndirilmədiyi sualına da “bəli” cavabını verib.