İraqın paytaxtı Bağdadda yerləşən Əl-Taci hərbi düşərgəsinə katyuşa raketiylə hücum edildiyi bildirilib.

Tashaio.com Sputnik-ə istinadən xəbər verir ki, İraq Nazirlər Kabinetinin nəzdindəki Təhlükəsizlik Media Şəbəkəsi tərəfindən verilən yazılı açıqlamaya görə, Bağdadın şimalındakı Əl-Taci hərbi düşərgəsinə 3 katyuşa raketi atılıb.

Açıqlamada hücumla bağlı başqa məlumat verilməyib.

Bağdadın 85 kilometr şimalında yerləşən və ABŞ əsgərlərinin qaldığı bu düşərgədə bir hava limanı və bir baza yerləşir.

Xatırladaq ki, Səlahəddin vilayətində yerləşən İraqın ən böyük hərbi hava bazası olan Bələd Hava Bazasına iyunun 15-i 3 minaatanla hücum təşkil olunmuşdu.