Tashaio.com-un “Anadolu”-ya istinadən verdiyi xəbərə əsasən, Səudiyyə Ərəbistanı regionda müharibə istəmir, lakin dünya ictimaiyyəti Tehrana qarşı daha qəti mövqe tutmalıdır.

Bunu Səudiyyə Ərəbistanı vəliəhd şahzadəsi Məhəmməd bin Salman bəyan edib.

O, Oman körfəzində neft tankerlərinə, Səudiyyə Ərəbistanı neft borularına və krallığın cənubunda yerləşən Abhu hava limanına edilmiş hücumları xatırladıb.

“Bu hadisələr bir daha göstərir ki, beynəlxalq ictimaiyyət ər-Riyada qulaq asmalıdır”, - deyə o hesab edir.

Onun sözlərinə görə, dünya ictimaiyyəti ABŞ-ın anti-İran sanksiyalarını dəstəkləməlidir.

Şahzadə İranı terror hücumları törətməkdə ittiham edərək, Tehranın seçim qarşısında olduğunu əlavə edib.