İraqın Əl-Həşduş Şəbi Təşkilatının komandir müavini Əbu Mehdi Əl-Mühəndis böyük mərcəyi təqlid alim Ayətullah Seyid Əli Sistaninin təkfirçi-vəhhabi İŞİD terror təşkilatına qarşı mübarizə üçün verdiyi fətvasının İraqı böyük qələbələrə apardığını bildirib.

Tashaio.com xəbər verir ki, Əbu Mehdi Əl-Mühəndis böyük mərcəyi təqlid alim Ayətullah Seyid Əli Sistaniyə yazdığı məktubunda bunları qeyd edib: “Əl-Həşduş Şəbi Qüvvələri İraq əleyhinə yönəlmiş daxili və xarici hiylələri təsirsiz vəziyyətə gətirdi. Əl-Həşduş Şəbi Qüvvələri İraq və dünyadakı hadisələrin gedişatını dəyişdirdi.

Təkfirçi və vəhhabi İŞİD-i məğlub edən ölkələrin ilk sırasında bizlər dayanmışıq.

Hər kəsin ölkənin əldən getməsindən məmnun qaldığını bir vaxtda, şər qüvvələrə qarşı əldə olunan qələbə dünyanın gözü qarşısında özünə yer elədi. Biz cihad, müqavimət və fədakarlıq yolunu davam etdirməyə söz veririk”.

Qeyd edək ki, Ayətullah Sistani 2014-cü ildə Mosulun İŞİD tərəfindən ələ keçirilməsindən sonra, verdiyi fətva ilə könüllü xalq qüvvələri Əl-Həşduş Şəbinin formalaşmasına rəhbərlik etmişdi.

Əl-Həşduş Şəbi İŞİD-in İraqda məğlub edilməsində həlledici rola malikdir.