Sionist İsrail rejiminin baş naziri Benyamin Netanyahu koalisiya hökumətini qura bilməyib, erkən seçki elan etməsindən sonra, yenə ABŞ-a əlini uzadıb.

Tashaio.com Sputnik-ə istinadən xəbər verir ki, mayın 30-u televiziyaya çıxan Netanyahu, Trampın mart ayında Qolan yüksəklikləri üzərində İsrail rejiminin suverenliyini tanımasından sonra, ABŞ Dövlət Departamentinin hazırladığı yeni İsrail rejiminin xəritəsini tanıdıb.

Netanyahu İsrail rejiminin 1967-ci ildə işğal və 1981-ci ildə ilhaq etdiyi Suriyaya aid yüksəklikləri sionist rejimin ərazisi kimi göstərən xəritəyə Trampın imza atmaqla kifayətlənməyib, Qolana işarə edərək “Yaxşı” yazdığını qürurla göstərib.

Xəritənin Trampın kürəkəni və baş müşaviri Cared Kuşnerin hədiyyəsi olduğunu söyləyən İsrail rejiminin lideri, bunları qeyd edib: “Qolan yüksəkliklərini İsrail rejiminin tərkibinə salan yenilənmiş xəritəni mənə Cared Kuşner gətirib. Elə burada prezident Trampın imzası və bura da “yaxşı” yazılmışdır”.