Bu gün səhər saatlarından etibarən Səudiyyə Ərəbistanının başçılıq etdiyi hərbi koalisiya Yəmənin paytaxtı Səna şəhərini ağır bombardman etməyə başlayıb.

Bombardmanlara mülki vətəndaşların yaşadığı kvartallar və həyati əhəmiyyətli obyektlər məruz qalıb.

Xatırladaq ki, 2015-ci ildən bu günə kimi Səudiyyə Ərəbistanı və müttəfiqləri Yəmənə təcavüz edir. Hərbi təcavüz nəticəsində on minlərlə insan həyatını itirib, milyonlarla insan xəstəliyə məhkum olub və məcburi köçkün vəziyyətinə düşüb.

Səudiyyə və tərəfdaşları dəniz və havadan blokada şəraitində olan Yəmənə zəruri ərzaq və tibbi ləvazimatın daxil olmasına mane olur.

Hazırda blokada nəticəsində milyonlarla yəmənli ağır şərtlər altında yaşamağa məcburdur. Buna baxmayaraq, yəmənlilər döyüş meydanında təcavüzkarlara qarşı mübarizəni davam etdirirlər. /eastnews.org/