İsrail rejiminin baş naziri Benyamin Netanyahu Qolan yüksəkliklərində adına Tramp dəyəcəyi yeni şəhərin yerini müəyyən etdiyini açıqlayıb.

Tashaio.com Sputnik-ə istinadən xəbər verir ki, Netanyahu aprelin 23-ü Qolan yüksəkliklərində bir sionist yaşayış məntəqəsi salacağını və ABŞ-ın prezidentinin Qolan yüksəkliklərinin İsrail rejiminə aid ərazi kimi tanıdığını açıqlamasına jest olaraq, adına “Tramp” dəyəcəyini açıqlamışdı.

Bugünkü həftəlik kabinet toplantısında danışan Netanyahu belə deyib: “Qolan yüksəkliklərində prezident Trampın adını verəcəyimiz bir yaşayış yeri quracağıma söz verdim. Qolan yüksəkliklərindəki bu yaşayış məntəqəsinin yerini tapdığımı sizə demək istəyirəm. Bu proses başladı”.

İsrail rejimi 1967-ci ildəki 6 günlük müharibədə Suriyanın əlində olan Qolan yüksəkliklərini işğal etmişdi. İsrail rejiminin Qolan yüksəkliklərini nəzarəti altında saxlaması və Trampın Qolan yüksəkliklərinin İsrail rejiminin ərazisi olaraq qəbul etməsini beynəlxalq cəmiyyət qəbul etmir.