ABŞ-ın Mərkəzi Qüvvələr Komandanlığının (CENTCOM) sözçüsü polkovnik Bill Urban ABŞ-ın Hava Qüvvələrinin F-15 və F-35 təyyarələrinin Bəsrə körfəzində İrana qarşı çəkindirici uçuşlar reallaşdırdıqlarını açıqlayıb.

Tashaio.com xəbər verir ki, polkovnik Bill Urban Anadolu agentliyinin müxbirinin mövzu barədə verdiyi suallarına belə cavab verib: “Onlar (F-15 və F-35) ABŞ qüvvələrini və maraqlarını ən yaxşı formada müdafiə etmək üçün yerləşdiriliblər. Bəsrə körfəzində müdafiə məqsədli çəkindirici uçuşlar reallaşdırırlar. Bu bir güc nümayişi deyil, təcavüzkarlıqdan çəkindirmək məqsədli mövcudiyyəti göstərməkdir”.

ABŞ keçən həftə İrandan gələ biləcək təhdidlərə qarşı tədbir məqsədilə “USS Abraham Linkoln təyyarə daşıyan gəmisi ilə 4 nüvə tutumlu B-52 bombardmançı təyyarələrindən ibarət Bombardmançı Vəzifə Qüvvələrini körfəzə göndərmişdi.