Sionist İsrail rejiminin ordusunun Qəzzaya hava hücumuna başladığını elan etməsindən qısa bir müddət sonra, Qəzza müqaviməti atəşkəs sazişini pozan İsrail rejiminin qüvvələrinə cavab olaraq, sionist qəsəbələrini 180 ədəd Qrad və 107 digər raketlərlə vurub.
Tashaio.com "Deyerler.org"-a istinadən xəbər verir ki, Qəzza müqaviməti Sderot və Askalan qəsəbələrinə ən azı 90 ədəd Qrad raketləri atıb. Vurulan qəsəbələrdə ən azı 25 ev istifadəyə yarasız vəziyyətə gəlib.
Qəzza müqavimətinin raket zərbələrindən sonra sionist qəsəbələrində şiddətli partlayışların eşidildiyi bildirilib.
Qeyd edək ki, işğalçı rejimin baş naziri Binyamin Netanyahu ötən gün orduya Qəzzaya hücum əmri verib. Ordu hücum əmrinin ardınca Qəzza zolağında 70 hədəfi vurub.
İşğalçı rejimin Qəzzanı bombalaması nəticəsində 14 aylıq uşaq və hamilə anası daxil olmaqla 5 nəfər şəhid olub, onlarla insan yaralanıb.
Xatırladaq ki, ötən gün günorta saatlarında İslami Cihad Hərəkatının hərbi qanadı "Əl-Qüds" briqadaları video yayımlayaraq İsrailin hava limanı, dəniz limanları və bir çox stratejik obyektlərinin raketlərinin hədəfində olduğunu bildirmişdi.
