İranın Xarici İşlər Nazirliyinin sözçüsü Abbas Musəvi Bəhreynin xarici işlər naziri Xalid bin Əhməd Əl-Xəlifənin, “İrana bir gün də belə Hörmüz boğazını bağlamağa icazə verilməyəcək”, açıqlamasını tənqid edib.

Tashaio.com İRNA-ya istinadən xəbər verir ki, Abbas Musəvi İran dövlət televiziyasına verdiyi açıqlamasında, Hörmüz boğazının dünya enerjisinin tranzit yolu kimi daşıdığı əhəmiyyətinə diqqət çəkərək, belə danışıb: “İran bu mühüm və əhəmiyyətli boğaz yolu ilə İran xalqının maraqları təmin olunduğu müddətəcən, qlobal enerjinin təminatı və ötürülməsi üçün həyati əhəmiyyətə malik Hörmüz boğazının təhlükəsizliyinə sadiqdir. Qonşuluq hüququnun tələbi kimi, bu ölkəyə (Bəhreynə), özündən böyük təhdidlərə müraciət etməməsi tövsiyə olunur”.

Bəhreynin xarici işlər naziri Xalid bin Əhməd Səudiyyə rejiminin Şarkul Ovsat qəzetində dərc olunan açıqlamasında, Hörmüz boğazının bağlanılması təhdidi ilə bağlı bunları demişdi: “İrana bir gün belə Hörmüz boğazını bağlama icazə verilməyəcək. Bu təhdid Fars Körfəzindəki bütün ölkələrə qarşıdır”.