Amerikanın CNN kanalının bəyanatına əsasən, Səudiyyə rejimi tərəfindən edam edilmiş insanları işgəncələr altında etmədikləri işlər haqqında etiraflar etməyə məcbur edilmişdir. “Edam edilmiş Munir Əl-Adəm eşitmə və görmə qabiliyyəti olduqca zəif idi. O, məhkəmə zamanı edilmiş etirafların onun tərəfindən deyil, müstəntiq tərəfindən yazıldığını bildirmişdir”, - deyə CNN-nin məlumatında qeyd edilmişdir.

Səudiyyə rejiminin 37 vətəndaşı edam etməsi beynəlxaq cəmiyyət arasında ciddi rezonansa səbəb olmuşdur. Bu hadisədən sonra, ABŞ-ın və Avropanın bir çox səlahiyyətli şəxsləri Səudiyyə rejimi ilə əlaqələrini yenidən nəzərdən keçirməyə çağırıblar. Britaniya parlamentinin liberal partiyasının deputatları bildirmişdir ki, Səudiyyə rejimini gələn il keçiriləcək G20 zirvə görüşündən məhrum etmək lazımdır.