İsrail rejimi qüvvələri aprel ayında 360 fələstinlini saxlayıb
Posted on : Digər sahələr 05/02/2019
Fələstin Əsirləri Araşdırma Mərkəzi İsrail rejimi qüvvələrinin aprel ayı ərzində 360 fələstinlini saxladığını açıqlayıb.
Fələstin Əsirləri Araşdırma Mərkəzi İsrail rejimi qüvvələrinin aprel ayı ərzində 360 fələstinlini saxladığını açıqlayıb.
Tashaio.com "Felestin.info"-a istinadla xəbər verir ki, mərkəz dünən məsələ ilə bağlı yaydığı hesabatda keçən ay işğalçı qüvvələrin nəzarətə aldığı fələstinlilərdən 61-nin 18 yaşa çatmamış, 4-nün qadın olduğunu bildirib.
İsrail qüvvələrinin yaralandıqdan sonra nəzarətə götürdüyü Kalkiliya şəhəri sakinlərindən 20 yaşlı Ömər Avni Yunusun şəhid olmasıyla əsir hərəkatı şəhidlərinin sayının 219-a yüksəldiyi qeyd edilib.
Hesabatda, həmçinin işğalçı qüvvələrinin apreldə 73 inzibati həbs cəzası qərarı verdiyi, bu qərarlardan 18-nin yenidən saxlanılan keçmiş məhbuslar haqda verildiyi bildirilib.
Fələstin Əsirləri Araşdırma Mərkəzi hesabatda apreldə verilən inzibati həbs cəzalarının qalanının mövcud inzibati həbs cəzalarının 2-6 ay uzadılması istiqamətində verilən qərarlar olduğunu diqqətə çatdırıb.
