Nigeriya xalqı ölkədə Əhli-Beyt (ə) ardıcıllarının rəhbəri Şeyx İbrahim Zəkzəkinin azadlığa buraxılması tələbilə gündəlik aksiyalarını davam etdirir.
Tashaio.com "deyerler.org" a istinadən xəbər verir ki, aprelin 17-si Nigeriya İslam Hərəkatının təşkilatçılığı ilə paytaxt Abuca küçələrində keçirilən yürüş mitinqi ölkə prezidenti Muhammadu Buxarinin iqamətgahı qarşısında başa çatıb.
Əllərində Şeyx Zəkzəkinin şəkillərini daşıyan etirazçılar Federal Ali Məhkəmənin Şeyx Zəkzəki və xanımı barədə çıxardığı qərarının hökumət tərəfindən hələ də icra edilməməsini qınayıblar.
Nümayişçilər Şeyx Zəkzəki və xanımı Zinət İbrahim ilə həbsdə olan bütün İMN fəallarının dərhal və qeyd şərtsiz azadlığa buraxılmasını tələb ediblər.
