Səudiyyə rejiminin SPA rəsmi xəbər agentliyi Qətər və ABŞ-ın iştirakı ilə Ərəb NATO-su kimi tanınan Yaxın Şərq Strateji Paktını işə salmaq üçün Ər-Riyadda bir toplantı keçirildiyini bildirib.

Tashaio.com Sputnik-ə istinadən xəbər verir ki, SPA-da gedən xəbərə əsasən, Yaxın Şərq Strateji Paktı dünən (9 aprel) Ər-Riyadda Səudiyyə rejimi, ABŞ, Birləşmiş Ərəb Əmirlikləri, Bəhreyn, Küveyt, Oman, Qətər və İordaniyanın yüksək səviyyəli məmurların iştirakı ilə bir iclas keçirib.

Səudiyyə rejiminin vəliəhd şahzadəsi Məhəmməd bin Salmanın hərbi müşaviri, baş nazirin müavini və müdafiə naziri Talal bin Uteybənin Səudiyyə rejiminin nümayəndə heyətinə rəhbərlik etdiyi bildirilsə də, digər ölkələrdən gələn iştirakçıların adı açıqlanmayıb.

Toplantının regionda və dünyada sabitlik və təhlükəsizliyin gücləndirilməsini istəyən bir paktın yaranması istiqamətində atılan bir addım olduğu qeyd olunub.