İranın Qum şəhərində təşkil olunan bir mərasimdə Bəhreyndə Əhli-Beyt (ə) ardıcıllarının rəhbəri Ayətullah Şeyx İsa Qasım apardığı mübarizələrə görə təqdir edilib.

Tashaio.com AMFM-ə istinadən xəbər verir ki, bu mərasimdə çıxış edən Qum İslam Elmləri Hövzəsinin Müdərrislər Camiəsinin sədri Ayətullah Muhəmməd Yəzdi, Ayətullah İsa Qasımın İran səfərini Bəhreyn inqilabının başlanğıcı olduğunu qeyd edib. Hicrətlərin əksəriyyətinin inqilabi qələbələrin başlanğıcı olduğunu vurğulayan Ayətullah Muhəmməd Yəzdi, Bəhreyn xalqının yekun qələbəsi üçün sadəcə bir addım qaldığını söyləyib.

İranda İslam inqilabının qələbəyə nail olması yolunda mərhum İmam Xomeyninin qiymətli səylərini xatırladan Ayətullah Yəzdi, İmam Xomeyninin də sürgün edildiyini, ancaq mərhum İmamın İslam inqilabını qələbəyə çatdırdığını bildirib.

Ayətullah Yəzdi açıqlamasının davamında, İranın indi ali dini rəhbər Ayətullahul-üzma Seyid Əli Xameneinin rəhbərliyi sayəsində dünya miqyasında İslam hərəkatlarının bayraqdarı olduğunu söyləyib.

Sözügedən mərasimdə çıxış edən Bəhreyn Əhli-Beyt (ə) ardıcıllarının rəhbəri Ayətullah Şeyx İsa Qasım, din alimləri və tələbələrinin İran İslam Respublikasının qurucusu və onun hədəfinin yolunu getməli olduğunu bidirib.