Bir qrup fəal Səudiyyə rejiminin Almaniyadakı səfirliyinin qarşısında toplaşaraq, Səudiyyə rejimində fəal qadınların həbs olunub, işgəncə verilməsinə qarşı etiraz ediblər.

Tashaio.com Reuters-ə istinadən xəbər verir ki, aksiyada iştirak edən fəallar Səudiyyə rejiminin əleyhinə şüarlar səsləndiriblər.

Səudiyyə rejiminin vəliəhd şahzadəsi Məhəmməd bin Salmanın cinayətlərini pisləmək üçün 3 dildə yazılan plakatları qaldıran nümayişçilər, Səudiyyə rejimində qadınların M.b.Salmanın göstərişilə işgəncə edildiklərini bəyan ediblər.

Nümayişçilər, həmçinin məhbus qadınların azadlığa buraxılmasını tələb ediblər.

Martın 8-i Fransa vətəndaşları da Beynəlxalq Amnistiya təşkilatının çağırışı ilə Parisdə Səudiyyə rejiminin səfirliyi qarşısında aksiya keçirmişdir.