Yəmənin Ənsarullah hərəkatının Siyasi Şurasının üzvü Məhəmməd Əl-Buhəyti Yəməndəki müharibənin davam etməsi və təbii olaraq silah satılmasının ABŞ və Britaniyanın iqtisadi maraqları üçün bir zəmanət olduğunu deyib.

Tashaio.com Parstoday-a istinadən xəbər verir ki, Məhəmməd Əl-Buhəyti martın 10-u verdiyi açıqlamasında, regiondakı ABŞ və Böyük Britaniyanın strateji və siyasi maraqlarının İsrail rejimini qorumaq olduğunu və bu istiqamətdə müqavimət oxu ilə müharibənin davam etdirilməsini istədiklərini bildirib.

Ənsarullah hərəkatının rəsmisi, həmçinin Yəməndəki müharibənin davam etməsini Səudiyyə rejimi və BƏƏ acgözlüyünün zəmanəti kimi qiymətləndirərək belə deyib: “Səudiyyə rejimi və BƏƏ, Yəməndəki tamahkar məqsədlərini müharibənin davam etməsində görürlər”.

Bu arada, Yəməndən gələn digər bir xəbərə görə, Səudiyyə rejimi və tərəfdaşlarına məxsus döyüş təyyarələri Həccah şəhərinə təşkil etdikləri hücumda aralarında qadın və uşaqların da olduğu ən azı 21 nəfəri həlak ediblər. Hücumda xeyli sayda yaşayış evinin də dağıldığı bildirilib.