Suriya ordusu İdlibdə Nusra Cəbhəsinin mövqelərini vurdu
Posted on : Digər sahələr 03/09/2019
Suriya ordusunun Nusra Cəbhəsinin hücumlarına cavab olaraq, təşkilatın İdlib bölgəsinin cənubundakı mövqelərini atəşə tutduğu bildirilib.
Suriya ordusunun Nusra Cəbhəsinin hücumlarına cavab olaraq, təşkilatın İdlib bölgəsinin cənubundakı mövqelərini atəşə tutduğu bildirilib.
Tashaio.com xəbər verir ki, Suriyanın Al-İkhbariya televiziyasında gedən xəbərlərdə belə qeyd olunub: “Terrorçuların hücumlarına cavab olaraq, Suriya ordusunun birlikləri Nusra Cəbhəsinin Xan Şeyxun və Qədr-Zitadakı sığınacaqlarına və qruplara qarşı top və raketlərlə nöqtə zərbələri endirdi”.
Xəbərdə yaraqlıların itkilər verdiyi bildirilsə də, itkilərin sayı barədə dəqiq rəqəm açıqlanmayıb.
Nusra Cəbhəsinin rəhbərliyi altında fəaliyyət göstərən qanunsuz silahlı dəstələr hər gün atəşkəsi pozurlar və İdlibdə münaqişəsiz bölgədə vəziyyəti sabitsizləşdirir. Terrorçular müntəzəm olaraq, Hama və Lazkiyə bölgələrindəki yaşayış sahələrinə minaatan və raketlərlə hücumlar təşkil edirlər.