Səudiyyə rejimi, Birləşmiş Ərəb Əmirlikləri və Misir İordaniyanın paytaxtı Ammanda keçirilən 29-cu Ərəb Liqası Parlamentlər Konfransının yekun bəyannaməsində, sionist İsrail rejimi ilə əlaqələrin normallaşdırılmasının rədd edilməsinə qarşı çıxıblar.

Tashaio.com Parstoday-a istinadən xəbər verir ki, Səudiyyə rejiminin Şura Məclisinin sədri Abdullah bin Muhəmməd bin İbrahim Əl-Şeyx konfransda İsrail rejimi ilə əlaqələri normallaşdırmağı rədd edən yekun bəyannaməyə etiraz edib.

Səudiyyə rejimi ilə yanaşı, Misir və BƏƏ nümayəndələri də İsrail rejimi ilə əlaqələrin normallaşdırılmasının dayandırılmasını vurğulayan maddənin ləğv edilməsini istəyiblər.

Suriya, Livan və Fələstin rəsmiləri də, İsrail rejimi ilə əlaqələrin istənilən formada normallaşdırılmasına qarşı çıxıblar.

Əldə olunan xəbərlərə görə, İordaniya parlamentinin sədri Atif Əl-Tərvanə Səudiyyə rejimi, Misir və BƏƏ-nin istəyini rədd edərək, ərəb xalqlarının İsrail rejimi ilə əlaqələri istəmədiyini və Ərəb Parlamentlər Birliyinin də ərəb xalqının iradəsinə tabe olduğunu bildirib.