İranın İnqilab Keşikçiləri ordusunun xarici əməliyyatlarına cavabdeh Qüds Qüvvələrinin komandanı general-mayor Qasım Süleymani xarici işlər naziri Məhəmməd Cavad Zərifin istefası ilə bağlı bəyanat verib.

Tashaio.com Mehrə istinadən xəbər verir ki, general-mayor Qasım Süleymani bəyanatında bunları qeyd eidb: “Cənab M.C.Zərif İran İslam Respublikasının xarici siyasətinə görə birbaşa məsuliyyət daşıyan şəxsdir və Xarici İşlər Nazirliyində icra etdiyi vəzifəsi müddətində, ölkənin yüksək səviyyəli rəsmiləri, xüsusilə ali dini rəhbər tərəfindən dəstəklənmiş və təsdiq edilmişdir.

O, ölkənin milli maraqlarını təmin etmək üçün müxtəlif səviyyələrdə qiymətli işlər görərək, İslam inqilabı və İran xalqının düşmənlərinə qarşı lazım olan addımlar atmışdır”.

Qasım Süleymani Suriyanın prezidenti Bəşər Əsədin Tehranda prezident Ruhani ilə keçirdiyi görüşdə xarici işlər naziri M.C.Zərifin olmaması haqqında isə bunları deyib: “Prezident adminstrasiyası tərəfindən lazım olan koordinasiyanın edilmədiyi üçün M.C.Zərif görüşdə iştirak etməyib”.

General-mayor Süleymani bunun qərəzli bir hərəkət olmadığını bildirib: “Cənab M.C.Zərifin xarici işlər naziri kimi, ölkənin xarici siyasətinin əsas səbəbkarı olduğunu vurğulamalıyam”.

Bu hadisəyə görə, böyük bir həyəcana qapılan İslam İnqilabı və İran xalqının düşmənlərinə toxunan general-mayor Süleymani, belə deyib: “Bunlar İslam Müqaviməti Cəbhəsinin parlaq qələbəsilə yanaşı, İranın milli maraqları və hədəfləri istiqamətində qətiyyətinə heç bir formada təsir etməyəcək”.