“Biz heç vaxt iranlı bacı qardaşların Qarabağ döyüşləri zamanında verdiyi dəstək və yardımlarını unutmarıq. Bu gün Azərbaycanın hərbi gücü Qafqazda birincidir. Bu məsələdə də iranlı qardaşların mənəvi və ixtisaslar baxımından dəstəklərinin şahidi olmuşuq.”

Bunu Azərbaycan Respublikasının İran İslam Respublikasındakı səfiri Bünyad Hüseynov deyib.

Tehranda Xocalı soyqırımı ilə bağlı keçirilən fotosərgiyə baş çəkən Azərbaycan səfiri iki ölkənin əlaqələrindən danışıb və bu sərginin Azərbaycan - İran dövətləri və xalqları üçün qiymətli olduğunu və islami birlik sahəsində böyük addım olduğunu hesab edib.

Tehranda Xocalı soyqırımı ilə bağlı keçirilən fotosərgini alqışlayan səfir deyib:

“Bu sərgi Azərbaycan dövləti və xalqı üçün çox dəyərlidir. Mən həmin Qarabağ döyüşlərinin həm şahidi olmuşam həm də zərər çəkəni. Bu sərgi mənim üçün çox təqdirəlayiqdir. Mən öz təşəkkürümü sizə bildiririəm.”

Səfir öz vəzifəsi dövründə İranla-Azərbaycanın artmaqda olan əlaqələrinə toxunub və burada İran Ordusunun komandanı Məhəmməd-Hüseyn Baqirinin Azərbaycana səfərindən, İranın Azərbaycana verdiyi mənəvi dəstəkdən söz açıb. O bildirib bu mübarək hadisələr onun səfir olduğu dövrdə baş verib.(SalamNews)