İraqın Nəcəfül Əşrəf şəhərindəki İmam Əlinin (ə) mütəhhər hərəmində oğullar anası Ümmül Bəninin (s.ə) vəfatı münasibətilə matəm məclisləri keçirilib.

Tashaio.com İmamali saytına istinadən xəbər verir ki, əzadarlıq heyətlərinin təşkil etdiyi əza məclisi Əhli-Beyt (ə) sevdalısı olan yüzlərlə insanın iştirakı ilə baş tutub. Əzadarlar İmam Əlinin (ə) məzarı istiqamətində dayanaraq, Ümmül Bəninin (s.ə) vəfatı münasibətilə başsağlı veriblər.

Qeyd edək ki, Əbülfəzl Abbasın (ə) anası Ümmül Bəninin əsl adı Fatimə binti Hizam Əl-Kilabdır. Əqil bin Əbi Talib Əmirəlmömininə (ə) deyirdi: “Ərəblər arasında Ümmül-Bənin tayfasından daha qəhrəman və şücaətlisini görməmişəm”. Əmirəlmöminin (ə), həzrət Fatimənin (ə.s) şəhadətindən sonra Ümmül-Bənin ilə evlənib.

Deyerler.org