İranın Əmir Kəbir Texniki Universitetinin rektoru doktor Mötəmədi peyk hazırlanması ilə bağlı yüzlərlə yüksək texnologiya olduğunu, iranlı mütəxəssislərin bunların hamısını əldə etdiklərini vurğulayıb.

Tashaio.com xəbər verir ki, İranın peyk istehsalı və kosmosa buraxılması məsələsi haqqında bir açıqlama verən Doktor Mötəmədi keçən günlərdə kosmosa göndərilən, amma hədəflənən orbitə yerləşə bilməyən "Pəyam" adlı peykə işarə edərək, bu peykin orbitə yerləşə bilməməsinə baxmayaraq iranlı elm xadimlərinə böyük xidmətləri olduğunu bildirib.

Rektor "Pəyam" peykinin hazırlanmasında yüzlərlə inkişaf etmiş texnologiyadan söhbət getdiyini, iranlı alimlərin bu texnologiyaların hamısını əldə etməyə nail olduqlarını qeyd edib.

Mötəmədi bu səbəbdən indi "Pəyam" peykinin oxşarlarını daha qısa müddətdə və daha möhkəm olaraq hazırlaya biləcəklərini vurğulayıb.