Türkiyə xarici işlər naziri Mövlud Çavuşoğlu Avropanın açdığı maliyyə kanalı INSTEX-in müsbət addım olduğunu açıqlayıb.

Tashaio.com xəbər verir ki, Avropanın İran ilə ticarəti asanlaşdıracaq maliyyə kanalı açmasına reaksiyalar gəlməyə başlayıb.

Mövlud Çavuşoğlu Avropanın İran ilə ticarəti asanlaşdıracaq maliyyə kanalı açmasını müsbət addım olaraq xarakterizə edib.

Çavuşoğlu Türkiyə rəhbərliyinin ən başdan hər cür sanksiyaya qarşı olduqlarını ifadə edərək, ABŞ rəhbərliyindən də birtərəfli sanksiyalardan əl çəkməsini gözlədiklərini, çünki bu cür sanksiyaların əsla nəticə verməyəcəyini bilmələri lazım olduğunu ifadə edib.