İraqın Nəcəfül Əşrəf şəhərindəki İmam Əlinin (ə) mütəhhər hərəmində Əyyami Fatimə münasibətilə matəm məclisləri keçirilir.

Tashaio.com İmamali saytına istinadən xəbər verir ki, səhər duası vaxtı keçirilən matəm mərasimi İmam Əlinin (ə) hərəminin qızılı qübbəsinin qarşısında baş tutub. Hərəmin xuddamları Həzrət Zəhranın (s.ə) müsibətli şəhadəti haqqında nohə və mərsiyələr oxuyublar və İmam Əliyə (ə) müsibətli matəm münasibətilə başsağlığı veriblər.

Bundan başqa, İraqın böyük məcəyi-təqlid alimi Ayətullah Bəşir Ən-Nəcəfi matəm münasibətilə başsağlığı vermək üçün İmam Əlinin (ə) hərəminə gəlib. Böyük Əhli-Beyt (ə) alimini İraqın müxtəlif vilayətlərindən gələn Fatiməsevərlər müşayiət edib.

Hərəmə günün müxtəlif vaxtlarında gələn əzadarlıq heyyətləri də əza məclisləri təşkil edirlər, Əziz Rəsulallahın (s) şəhid qızı (s.ə.) üçün göz yaşı axıdırlar.

Deyerler.org