Tashaio.com-un “Russia Today”-ə istinadən verdiyi xəbərə əsasən, Vaşinqtonda yerləşən Beynəlxalq Böhran Qrupunun mütəxəssisləri bəyan ediblər ki, İran nüvə sazişi çərçivəsində tam şəkildə öz öhdəliklərini yerinə yetirir.

“İran nüvə sazişinin 4-cü ili gəlir və İran öz öhdəliklərinə əməl etməyə davam edir. Eyni zamanda da, 2018-ci ilin May ayında ABŞ-ı bu sazişdən birtərəfli şəkildə çıxarmış (ABŞ prezidenti Donald) Trampın administrasiyası İrana qarşı cəza sanskiyalarını bərpa edib.”, - deyə sənəddə deyilir.

Ekspertlərin fikrincə, ABŞ-ın İrana qarşı sanksiyaları “təsirli olmağa başlayır”.

Xatırladaq ki, ABŞ məlum sazişdən çıxdıqdan sonra, Tramp iki mərhələdə İrana qarşı sanksiyaların bərpa edilməsi haqda əmr verib.