İsrail rejiminin ordusunun artilleriyası bu gün səhər (15 yanvar) Qəzzanın cənubunda Fələstin müqavimətinə aid bir əraziyə atəş açıb.

Tashaio.com Palinfo-ya istinadən xəbər verir ki, hücumda ölən ya da yaralananların olmadığı bildirilib.

Yerli mənbələrdən əldə olunan məlumata görə, İsrail rejiminin ordusuna aid bir tankdan bu gün səhər Xan Yunusun şərqindəki Karara qəsəbəsinin şərqində yerləşən müqavimətə aid bir müşahidə məntəqəsi atəşə tutulub.

Mənbələr sionist ordusuna aid dörd buldozerin bu gün səhər Qəzzanın şimalındakı Beyt Hanun Ərəz sərhəd məntəqəsinin yaxınlığında sərhədi pozduğunu açıqlayıb.

İsrail rejiminin qüvvələrinin buldozerlərlə Qəzzaya girərək, bölgədə ərazi hamarlaması işlərini gördüyü qeyd olunub.