Çərşənbə günü Yəmənin Lahc şəhərində Səud rejiminə satışmış hərbçilərin paradına təşkil edilən hücum zamanı yaralanan Hərbi Kəşfiyyat rəisi Məhəmməd Saleh Tamah vəfat edib.

Axar.az xəbər verir ki, Məhəmməd Saleh Tamah Ədən şəhərindəki xəstəxanada ölüb.

Qeyd edək ki, yanvarın 10-da təşkil edilən hücumda 4 general yaralanmışdı. Onlar arasında Baş Qərargah rəisi Abdulla ən-Nahi, onun müavini general-mayor Saleh əz-Zindani, Hərbi Kəşfiyyatın rəhbəri general-mayor Məhəmməd Saleh Tamah və general-mayor Tabit Cavas olmuşdu. Hücuma görə məsuliyyəti üzərinə husilər götürmüşdü.