Tashaio.com-un “Russia Today”-ə istinadən verdiyi xəbərə əsasən, ABŞ dövlət katibi Mayk Pompeo yaxın zamanda İrana qarşı iqtisadi və diplomatik təzyiqi artırmağa dair söz verib.

Bu haqda o, İordaniya XİN başçısı Ayman Səfadi ilə görüşün yekununda bəyan edib.

“Siz yaxın günlər və həftələrdə görəcəksiniz, biz diplomatik səylərimizlə yanaşı, ticari sahədəki səylərimizi də artıracağıq ki, İrana qarşı həqiqi təzyiq göstərək.”, - deyə Pompeo bildirib.

Xatırladaq ki, daha öncə İran prezidenti Həsən Ruhani bəyan etmişdi ki, İran ABŞ-ın iqtisadi və psixoloji təzyiqi qarşısında geri çəkilməyəcək.