Tashaio.com-un RİA-ya istinadən verdiyi xəbərə əsasən, rəsmi Moskva Rusiya qoşunlarının Əfqanıstana yürüdülməsinin mümkünlüyünü tamamilə istisna edir.

Bu haqda Rusiya xarici işlər nazirinin müavini Sergey Ryabkov açıqlama verib.

“Biz, belə bir addımı gözdən keçirmək üçün heç bir əsas görmürük. Biz uzun müddətdir ki, Əfqanıstan hakimiyyəti ilə təhlükəsizlik sahəsində əməkdaşlıq edirik.”, - deyə o qeyd edib və bu əməkdaşlığın inkişaf etdiyini əlavə edib.

Xatırladaq ki, Əfqanıstanda hökumət qüvvələri ilə “Taliban” terrorçuları arasında mübarizə gedir.

Həmçinin son zamanlar ölkədə İŞİD terror təşkilatının nüfuzu da artıb.