İsrail ordusu Nablusda şagirdlərə hücum edib, odlu silah və qaz bombaları tətbiq edib
Posted on : Digər sahələr 01/05/2019
Dünən İordan çayının qərb sahilində - Nablus rayonunun Təll kəndindəki məktəbə hücum edən işğalçı İsrail rejim əsgərləri şagirdlərə tərəf atəş açıblar, gözyaşardıcı qaz bombaları tətbiq ediblər.
Dünən İordan çayının qərb sahilində - Nablus rayonunun Təll kəndindəki məktəbə hücum edən işğalçı İsrail rejim əsgərləri şagirdlərə tərəf atəş açıblar, gözyaşardıcı qaz bombaları tətbiq ediblər.
Tashaio.com"-a istinadla xəbər verir ki, şagirdlər dərsdən çıxarkən işğalçı ordunun təqibinə məruz qalıblar. Xoşbəxtlikdən xəsarət alan olmayıb.
Fələstin təhlükəsizlik mənbələrinin bildirdiyinə görə, işğalçı ordunun təzyiqilə eyni ərəfədə yaxınlıqdakı yəhudi qəsəbələrindən olan bir qrup fanatik miqrant yerli əhaliyə məxsus avtomobillərə hücum ediblər. Fanatik miqrantlar qanunsuz Yiçxar yəhudi qəsəbəsi yaxınlığında Nablus-Qalqiliyə yolunu kəsərək burdan keçən fələstinlilərə hücumlar ediblər.
İordan çayının qərb sahilində yəhudi miqrantların fəaliyyətinin monitorinqini aparan Fələstin rəsmisi Həsən Daqlasın sözlərinə görə, yəhudi miqrantlar maşınlara daş atıblar və şəxsi mülkə ziyan vurublar.
Bildirək ki, Nablus zonasındakı Fələstin kəndləri və qəsəbələri qanunsuz salınmış yəhudi qəsəbələrinin əhatəsindədir. İsrail ordusunun qoruduğu bu qəsəbələrin sakinləri əsasən ən radikal yəhudi miqrantlardan ibarətdir. İordan çayının qərb sahili boyunca beynəlxalq hüquqa zidd olaraq salınmış yəhudi qəsəbələrində ümumilikdə 500-600 min yəhudi yaşayır.
