Fələstinlilər tarixi torpaqlarına qayıtmaq üçün işğalçı İsrail rejiminə qarşı silsilə aksiyalarını bu həftə də davam etdirib.
Tashaio.com İHA-ya istinadən xəbər verir ki, Ramallahın Əl-Muğayir kəndində keçirilən aksiyaya İsrail əsgərləri sərt müdaxilə edib.
Gözyaşardıcı qaz, həqiqi və plastik mərmi istifadəsi nəticəsində 28 fələstinli yaralanıb. Onlardan 3-ü həqiqi, 5-i isə plastik mərmidən atılan güllə ilə xəsarət alıb.
"AA"-nın məlumatına görə, digər aksiya Qəzza zolağında baş tutub və işğalçı rejim əsgərlərinin açdığı atəş nəticəsində daha 20 fələstinli yaralanıb.
Qəzza Səhiyyə Nazirliyinin sözçüsü Əşrəf əl-Kudra bildirib ki, Qəzza zolağında keçirilən aksiyada İsrail əsgərlərinin açdığı atəş nəticəsində 20 nəfər yaralanıb. Onlardan 15 nəfər həqiqi güllə yarası alıb, 5 nəfər isə qazdan zəhərlənib. Yaralananlardan 5 nəfəri tibb işçisidir.
Ə.əl-Kudra tibbş işçilərinə qarşı hücumları pisləyib.
Qeyd edək ki, Fələstinlilər ötən ilin mart ayının 30-dan indiyədək Qəzza zolağında FƏləstinin işğal olunmuş əraziləri ilə sərhəddə “Böyük Qayıdış Yürüşü” adı ilə dinc aksiyalar təşkil edirlər.
İşğalçı İsrail rejim əsgərlərinin dinc aksiyalara hücumu nəticəsində indiyədək 225-dən çox fələstinli şəhid olub, minlərlə insan yaralanıb.