İranın Siyasi Məsləhət Şurasının sədri mərhum Ayətullah Seyid Mahmud Haşimi Şahrudinin yad etmək üçün dünən (26 dekabr) gecə Qum şəhərindəki Məscidi Əzəmdə ali dini rəhbər tərəfindən xüsusi mərasim keçirilib.

Tashaio.com AMFM-ə istinadən xəbər verir ki, mərasimə İranın böyük mərcəyi-təqlid alimlərindən Ayətullah Safi Gülpayiqani, Ayətullah Vahid Xorasani, Ayətullah Məkarim Şirazi, Ayətullah Cəfər Sübhani, Ayətullah Şübeyr Zəncani, Ayətullah Abdullah Cavadi Amuli kimi tanınmış simalar ilə İran İslam inqilabı rəhbərlik ofisinin rəhbəri Məhəmməd Gülpayiqani, alimlər, dini mədrəsə tələbələri, nazirlər və deputatlar iştirak edib.

Mərasimə İraqın böyük mərcəyi təqlid alimi Ayətullah Seyid Əli Hüseyni Sistaninin nümayəndəsi, həmçinin İraqın Əl-Həşduş Şəbi Təşkilatının icraçı direktoru, İraqın Milli Hikmət Hərəkəti sədri Seyid Əmmar Həkim və Livan, Pakistan, Əfqanıstan və digər bəzi İslam ölkələrindən xeyli sayda insan iştirak edib.

Mərasimdə çıxış edən höccətül-İslam Nasir Rəfii, mərhum Ayətullah Şahrudini görkəmli İslam alimi kimi qiymətləndirərək, onun dini elmlər mədrəsələrində yeni fikirlərdə çox güclü bir yerinin olduğunu deyib.

Xatırladaq ki, Ayətullah Şahrudinin cənazəsi dünən Qumda Həzrəti Məsumənin (s.ə) qəbirinin olduğu pak hərəmdə dəfn olunub.

Deyerler.org