İranın müdafiə naziri general Əmir Xatəminin iştirak etdiyi mərasimlə müdafiə sənayesinə bağlı elektro optik sənayesi firmasının yeni zavodu fəaliyyətə başlayıb.

Tashaio.com xəbər verir ki, mərasimdə danışan Əmir Xatəmi elektro optik sənaye firmasının silahlı qüvvələrin ehtiyacı olan elektron və elektro-optik təchizatı ən qabaqcıl texnologiyalardan istifadə edərək istehsal etdiyini və istehsal etdiyi məhsulların yüksək standartlarda olduğunu bildirib.

General Xatəmi bununla da silahlı qüvvələrin elektro-optik, lazer və tibbi avadanlığı xaricdən asılı olmadan, müstəqil olaraq qarşıladıqlarını ifadə edib.