Səudiyyə Ərəbistanın Yəmənə təcavüzü nəticəsində ölənlərin sayı 60 min nəfərdən çoxdur.
Tashaio.com xarici KİV-ə istinadən xəbər verir ki, bunu  Silahlı münaqişə məkanları və hadisələri haqqında məlumatların toplanması layihəsi  - ACLED öz yeni hesabatında  açıqlayıb.

ACLED –in hesabatında bildirilir ki, BMT Yəməndəki müharibə qurbanları sayını 2016-cı ildə 10 min nəfər elan edib. “Hazırda bir çox mətbu orqanları öz xəbərlərinə bu rəqəmə istinad edirlər ki, bu da Yəməndə baş vermiş faciənin daha kiçik həcmdə göstərilməsinə səbəb olur. Araşdırmalarımız Yəməndə  müharibə qurbanlarının sayının 60 min nəfərdən çox olduğunu göstərir. Bu qurbanların əksəriyyəti 2018-ci ildə öldürülüb.”

Hesabatda həmçinin qeyd olunur ki,  Yəməndə müxtəlif bölgələrdə aclıq hökm sürür və daha 85 min nəfəri aclıq, müxtəlif xəstəliklər və pis qidalanmadan həyatını itirdiyi ehtimal olunur.