İran Sipahi Ordusunun mətbuat katibi general Ramazan Şərif amerikalıların açıqlamalarının daha çox Səudiyyə və İsrail rejimlərinə ruh vermək istiqamətində sözlər olduğunu bildirib.

Tashaio.com "Farsnews"-a istinadən xəbər verir ki, amerikalı rəsmilərin son günlər sərf etdikləri sözləri dəyərləndirən Ramazan Şərif İranın hər zaman düşmənlərlə təhdid edildiyini, lakin indiyə qədər ən inkişaf etmiş hərbi silahların da İran qarşısında məğlubiyyətə uğradığını bildirib.

Düşmənlərin sözlü təhdidlərinin də hər zaman gündəmdə olduğunu qeyd edən General Şərif bu sözlərin amerikalı rəsmilərin regionda Səudiyyə və sionist müttəfiqlərinə əhval qazandırmağa yönəlmiş, sərf edilən sözlər olduğunu, İran xalqının cavabının aydın və birmənalı olduğunu, bunun da ölkə və mənafelərini ən yaxşı şəkildə müdafiədən ibarət olduğunu vurğulayıb.