Dekabrın 6-da İranın Çabahar şəhərində polis məntəqəsində özünü avtomobildə partladan şəxsin kimliyi müəyyənləşib.

Tashaio.com-un verdiyi məlumata görə, terror aktında məsuliyyəti üzərinə götürən «Ənsar əl-Furkan» onun şəklini paylaşıb. Məlum olub ki, bu Abdulla Əzizi adlı şəxs olub.

Qeyd edək ki, İranda artıq terrorda şübhəli bilinən 10 nəfər saxlanılıb. 

Bildirilir ki, terror aktının araşdırması davam edir.

Xatırladaq ki, ötən həftə Çabaharda Polis İdarəsinin Mənzil Qərargahında partlayış olub, bundan sonra atışma başlayıb. Əyalət qubernatorunun təhlükəsizlik məsələləri üzrə müavini Məhəmməd Hadi Mərəşinin sözlərinə görə, partlayıcı qurğu avtomobildə olub. Terror hücumu nəticəsində 2 nəfər həlak olub, 40 nəfər isə yaralanıb.

Terrorda məsuliyyəti ekstremist “Ənsar əl-Furkan” təşkilatı öz üzərinə götürüb.