İran hökuməti dekabrın 6-da çabahar şəhərində  (Sistan və Bəlucistan əyaləti)  baş verən terrorda şübhəli bilinən 4 nəfəri saxlayıb. Tashaio.com-un məlumatına görə, bu barədə Təsnim Agentliyi xəbər verib.

Bildirilir ki, terror aktının araşdırması davam edir.

Xatırladaq ki, ötən həftə  Çabaharda Polis İdarəsinin Mənzil Qərargahında partlayış olub, bundan sonra atışma başlayıb. Əyalət qubernatorunun təhlükəsizlik məsələləri üzrə müavini Məhəmməd Hadi Mərəşinin sözlərinə görə, partlayıcı qurğu avtomobildə olub. İRNA agentliyi bildiri ki, terror hücumu nəticəsində 2 nəfər həlak olub, 40 nəfər isə yaralanıb.

Röyterin məlumatına görə, terrorda məsuliyyəti ekstremist “Ənsar əl-Furkan” təşkilatı öz üzərinə götürüb.