Tashaio.com-un “Anadolu”-ya istinadən verdiyi xəbərə əsasən, Əfqanıstanın Qəndəhar əyalətində avtomobilin partlayıcı ilə doldurulması prosesi zamanı 37 “Taliban” terrorçusu partlayış nəticəsində məhv olub.

Terrorçular terror aktı törətmək üçün avtomobili partlayıcı ilə doldururdular.

Qəndəhar qubernatorunun rəsmisi Əziz Əhməd Əzizinin sözlərinə görə, insident terrorçuların Maruf bölgəsindəki təlim düşərgəsində baş verib.

Partlayış nəticəsində çox sayda terrorçu da yaralanıb. İnsidentin digər təfərrüatları haqda məlumat verilməyib.