İranın Ali lideri Ayətullah Seyid Əli Xamenei düşmənlərə qarşı hazırlıqlı olmaq üçün ölkədə hərbi gücün artırılması lazım olduğunu söyləyib.

Tashaio.com xəbər verir ki, Ayətullah Xamenei ordu komandanları ilə həyata keçirdiyi görüşdə İran İslam Respublikasının heç kəslə müharibə başlatmaq niyyətində olmadığını bildirib və "Hərbi qabiliyyəti inkişaf etdirər, düşmənlərə qarşı hazırlıqlı olsaq bu ölkənin vətəndaşlarını təhdid etmə cəsarəti tapa bilməzlər" deyib.

Açıqlama Ali Liderin rəsmi saytında dərc olunub.

Son zamanlarda İran və Səudiyyə Ərəbistanının regionda güc və nüfuz rəqabəti içində olduqları bilinir.

İki ölkə arasında Suriya və Yəməndə təxminən 3 ildir davam edən bir vəkalət müharibəsi var. Ölkələr bundan başqa, İraq və Livanda da zidd qrupları dəstəkləyir.