Yəmən ordusu, Cizanda Səudiyyə rejiminin mövqelərinə dörd raket zərbəsi endirib. Hücum vaxtı "Zelzal-2." ballistik raketlərdən istifadə olunub.

"Tashaio.com"un "parstoday.com" agentliyinə istinadən verdiyi xəbərə görə, Yəmən ordusunun bu hücumu, səud rejiminin Yəmən xalqına qarşı apardığı amansız zorakılığına cavabdır.

Yəmən xalqını aciz vəziyyətə salmaq niyyəti ilə, Yəmənin yeganə humanitar yardım yolu olan Hüdeyda limanını ələ keçirmək istəyən səud rejimi, dəfələrlə limana hücumlar edib. Lakin Yəmən xalqının müqaviməti sayəsində işğalçı rejim ciddi məğlubiyyətə məruz qalıb. Yəmən qüvvələrinin səud rejiminin hücumlarına cavab verməsi, müharibədə üstünlüyü əla alaraq Səudiyyə rejimini zəiflətməyə başlayıb. Rejimə dəstək olan bəzi qərb ölkələri bundan narahatdır. Səudiyyə rejimi və ona dəstək olanlar, məğlubiyyətlərindən narahat olaraq dinc Yəmən xalqına hücumlarını davam etdirərək, qadınlara, uşaqlara, qocalara aman vermir.