Türkiyənin Milliyətçi Hərəkat Partiyasının (MHP) sədri Dövlət Bağçalı Səudiyyə Ərəbistanına jurnalist Camal Qaşıqçı cinayəti səbəbindən sərt reaksiya verib.

Tashaio.com Milliyet-ə istinadən xəbər verir ki, Baxçalı Türkiyə parlamentində etdiyi çıxışında, İslam İslam coğrafiyasında baş verən problemlərə diqqəti çəkib. Müsəlman dünyasında soyqırımların, ədalətsizliyin artdığını, hər cür cinayəti törədən bir təbəqənin olduğunu deyən Baxçalı, belə davam edib: “Müsəlmanam deyən hər kəs İslamla terroru yanaşı qoya bilməz. Qorxulu bir böhtandır. Heç nur ilə ur bir yerdə ola bilər? Müsəlman türk milləti olaraq bilin ki, əllərimiz başlarının üzərində olacaqdır. FETÖ budur, İŞİD belədir. Bölgənin məhək daşı olan Türkiyə bu ssenarilərdən zərər görür. Yaxın Şərqdəki davam etdirilən müharibədə istənilən Qərbin nüfuz sahələrinin genişləndirilməsidir, terror təşkilatları istifadəolunur, nov nov qan axıdılır”.

Terror təşkilatlarının silahları haradan alması sualını da gündəmə gətirən MHP-nin lideri, səudiyyəli jurnalist Camal Qaşıqçının öldürülməsini xatırlatdıqdan sonra, belə deyib: "Səudiyyə Ərəbistanı xarici işlər naziri məsələnin siyasiləşdirilməsinin İslam aləmini çətin vəziyyətə salacağını bildirmişdir. Bizə görə, bu nazir qələt etmişdir. İki ədəd audio yazının da mövcud olduğu məlumdur. Əgər Qaşıqçının bir günahı varsa, məhkəməyə çıxarılmalı idi? Hansı haqla Türkiyəni cinayət bazası kimi istifadə ediblər? Qaşıqçının qatilləri beynəlxalq məhkəmədə mühakimə olunmalıdır. Səudiyyə Ərəbistanı rəhbərliyinin Usamə bin Laden mentalitetindən nə fərqi qalıb? Bu ölkəni Əl-Qaidədən ayıran nədir? Bundan sonra həcc vacibatının təhlükəsiz bir şəkildə keçiriləcəyinə necə inanaq?”.