Suriyanın prezidenti Bəşər Əsəd terrorçuların Suriyanın müstəqilliyinə zərbə vurmaq cəhdinin uğursuzluqla nəticələndiyini bildirib.

Tashaio.com SANA-ya istinadən xəbər verir ki, Bəşər Əsəd Dəməşqdə Ərəb Kənd Təsərrüfatı Mühəndisləri Birliyinin üzvləri ilə keçirdiyi görüşdə kənd təsərrüfatı sektorunun öz imkanları ilə fəaliyyətinin terrorizmə qarşı müharibədə müqavimət göstərmə amillərindən biri olduğunu qeyd edib. Suriya prezidenti ərzaq təhlükəsizliyinin Suriyanın müstəqilliyə nail olmasında əsas prinsiplərdən biri olduğunu söyləyib.

Həmkarlar və birliklərin hökumət ilə xalq arasında vasitəçi olaraq siyasi və peşəkar roluna toxunan Əsəd, onların ictimai rolunun əhəmiyyətini çatdırıb.