Ərəb ölkələrinin NATO-sunu yaratmaq üçün danışıqlar aparan Birləşmiş Ştatlar son olaraq Qətərlə bu mövzunu müzakirə edib. Tashaio.com bildirir ki, ABŞ-ın dövlət katibi Mayk Pompeo və Qətərin baş nazirinin müavini və müdafiə naziri Xalid Atiyyə arasında görüş baş tutub.

Vaşinqton yeni hərbi alyans yaratmaqla İranın Yaxın Şərqdəki nüfuzunu azaltmaq istəyir.

Pompeo və Atiyyə arasındakı görüş zamanı ABŞ-ın Qətərdəki "El-Udeyd" hava bazasının genişləndirilməsi müzakirə edilib.

Qeyd edək ki, 10 min ABŞ əsgərinin olduğu "El-Udeyd" bazası Birləşmiş Ştatların körfəzdəki ən böyük hərbi bazası sayılır.
 
Rəsmi Vaşinqton Körfəz Əməkdaşlıq Şurasına üzv 6 ölkə ilə Misir və İordaniyanın daxil olacağı bir Ərəb NATO-sunun yaradılmasını təklif edir.