Yəmən Silahlı Qüvvələrinin sözçüsü general-mayor Yəhya Sərii noyabrın 13-ü verdiyi açıqlamasında, son 13 gündə Yəmənin müxtəlif cəbhələrində Səudiyyə rejiminin ən azı 3 min muzdlusunun öldürüldüyünü və yaralandığını deyib.

Tashaio.com Əl-Məsirəyə istinadən xəbər verir ki, general-mayor Yəhya Sərii bəyanatında belə qeyd edib: “Noyabr ayının əvvəlindən etibarən təcavüzkar Səudiyyə rejiminin 867 muzdlu əsgəri keçirilən əməliyyatlarda öldürüldü və 2150 nəfəri də yaralandı”.

Sözçü bunlardan 1224 nəfərinin Qərb Sahili əməliyyatlarında yaralandığını və onların arasında 20 komandir və 33 sudanlı muzdlu əsgərin də olduğunu deyib.

General-mayor Yəhya Sərii bu hücumlar vaxtı düşmənin 127 zirehli texnikası, 184 hərbi maşını və 7 buldozerinin məhv edildiyini bildirib.

Keçirilən mətbuat konfransında Yəmən ordusu və inqilabi xalq komitələrinin keçirdiyi uğurlu əməliyyatlarının videosu da nümayiş olunub.